Almaty oblysynda «Myń bala» Ulttyq zııatkerlik olımpıadasy ótti
TALDYQORǴAN. QazAqparat – «Myń bala» Ulttyq zııatkerlik olımpıadasynda Almaty oblysynan 812 jas daryn baǵyn synady, dep habarlaıdy QazAqparat tilshisi.
Aýyldyq jerdegi mektepterge arnalǵan «Myń bala» Ulttyq zııatkerlik olımpıadasynyń ekinshi kezeńi máresine jetti. Bilim saıysy 21-22 tamyz aralyǵynda ótti.
Olımpıadanyń negizgi uıymdastyrýshylary - «Elbasy akademııasy» korporatıvtik qory.
Joba Tuńǵysh Prezıdent - Elbasy qory men «Elbasy Akademııasy» korporatıvtik qorynyń «El úmiti» talantty jastardy anyqtaý jáne qoldaý jónindegi bastamasy aıasynda iske asyrylýda.
Atalǵan dodaǵa respýblıka boıynsha 5 myń bala, sonyń ishinde Almaty oblysynan 812 jas daryn qatysty. Bilim básekesinde oqýshylardyń fýnktsıonaldyq saýattylyq jáne abstraktili-logıkalyq oılaý daǵdylary synaldy.
Birinshi kezeń syrttaı ótip, oqýshylardyń matematıka, jaratylystaný, ınformatıka, qazaq, orys jáne aǵylshyn tilderi pánderi boıynsha bilimderi baǵalandy.
Taldyqorǵan qalasyndaǵy Nazarbaev Zııatkerlik mektebiniń bazasynda 92 bilimger, Almaty qalasyndaǵy fızıka-matematıkalyq Nazarbaev Zııatkerlik mektebiniń jáne hımııa-bıologııalyq baǵyttaǵy Nazarbaev Zııatkerlik mektebiniń bazasynda 473 oqýshy synaq tapsyrdy. Zııatkerlik saıys barlyq sanıtarlyq-epıdemıologııalyq talaptardy qatań saqtaı otyryp ótkizildi.
Shalǵaı aýdandardaǵy bilim mekemelerinde máselen, Aqsý aýdany, Sátbaev atyndaǵy orta mektep-gımnazııasy, Jansúgir aýyly; Alakól aýdany, Úsharal orta mektep-gımnazııasy, Úsharal qalasy; Balqash aýdany, B. Beısekbaev atyndaǵy orta mektep, Baqanas aýyly; Kegen aýdany, №1 Kegen orta mektebi, Kegen aýyly; Panfılov aýdany, Altynsarın orta mektebi, Jarkent qalasy; Uıǵyr aýdany, №4 Shonjy orta mektebi, Shonjy aýylynda arnaıy testileý pýnktteri qyzmet etken. Osy arqyly jalpy sany 247 oqýshy zııatkerlik saıysta tóbe kórsetti.
Aıta keteıik, olımpıada qorytyndysy boıynsha, 5 jáne 6 synyptardy bitirgen 1 myń jeńimpaz oqýshy óz bilimderin «Bilim-ınnovatsııa lıtseıi», Respýblıkalyq fızıka-matematıka mektebi jáne «Daryn» sııaqty daryndy balalarǵa arnalǵan jetekshi mektepterde jalǵastyra alady.
Olımpıadada jeńimpaz atanǵan respýblıka boıynsha 1 myń oqýshynyń tizimi www.fnn.kz saıtynda ekinshi kezeń ótken soń, 14 kúnde jarııalanady. Dál osy saıtta olımpıada jeńimpazdary daryndy balalarǵa arnalǵan mamandandyrylǵan mektepterdiń birine ótinish bere alady.
