Almaty oblysynda myltyqpen jáne kastetpen qarýlanǵan stýdent ustaldy
TALDYQORǴAN. QazAqparat - Almaty oblysynyń Qarasaı aýdanyndaǵy Qaskeleń qalasynda patrýldik qyzmetin oryndap júrgen polıtseıler myltyq jáne kastetpen qarýlanyp, emin-erkin qydyryp júrgen stýdentti ustady, dep habarlaıdy QazAqparat tilshisi.
18 jastaǵy azamat Qaskeleń qalasyndaǵy kolledjderdiń birinde oqıtyny anyqtaldy. Bozbala qarýdy sport sómkesine salyp, qoryqpaı alyp júrgen.
Qazir osy oqıǵaǵa baılanysty QR QK 287- babymen qylmystyq is qozǵalyp, tárkilengen pnevmatıkalyq myltyq saraptamadan ótkizilýde.
Stýdent óz túsiniktemesinde bul zattardy taýyp aldym dep aqtalǵan. Al tártip saqshylary zattardy anyqtap, tárkileý arqyly basqa bir qylmystyń aldyn aldyq degen pikirde. Sot aldy tergeý ýaqytynda kúdiktige «kelýdi mindetteý» sharasy qoldanyldy.
