Almaty oblysynda múmkindigi shekteýli 315 jan jumysqa ornalasty
Almaty oblysy prokýratýrasynyń basqarma prokýrory Ermek Sultanqulovtyń aıtýynsha, qazirgi tańda múmkindigi shekteýli jandar kóptegen qıyndyqtarǵa tap bolýda. Atap aıtqanda, olar memleket tarapynan jasalyp otyrǵan múmkindikti der kezinde qoldana almaıdy. Jumyspen qamtý ortalyǵymen baılanys ornatpaıdy. Osyndaı olqylyqtardy joıý maqsatynda bıyl tuńǵysh ret Almaty oblysynyń prokýratýrasy «Múgedekterge jumys» jobasyn ázirledi. Atalǵan jobanyń júzege asqanyna nebári 3 aı ǵana ýaqyt boldy. Nátıjesinde 315 adam jumysqa ornalasty.
Prokýratýra ókilderi qazirgi tańda múgedekterge óz múmkindikteri jaıly tolyqqandy anyqtama berýde. Olardyń aıtýynsha, erekshe kútimdi qajet etetin jandar óz quqyqtary jaıly bilmeıdi. Kesirinen jumys taba almaı, tyǵyryqqa tireledi. Al zań júzinde óreskel qatelikterdiń basym bóligin jumys berýshiler jasap jatyr.