Almaty oblysynda múgedektikke shyǵarý úshin para alǵan bólim basshysyna úkim shyqty
TALDYQORǴAN. QazAqparat - Almaty oblysynda Sarqan aýdandyq soty K esimdi azamattyń qylmystyq isin qarap, oǵan úkim shyǵardy. Ol óziniń medıtsınalyq-áleýmettik saraptama bóliminiń basshysy qyzmetin paıdalana otyryp, sybaılas jemqorlyqqa jol bergen, dep habarlaıdy QazAqparat tilshisi.
2016 jyly 17-shi mamyrda D esimdi azamatqa 3-shi toptaǵy múgedektik bir jylǵa taǵaıyndalyp berilgen. Múgedektikti ary qaraı sozý maqsatynda qujat rásimdeýge kelgen kembaǵal jannan bólim basshysy para talap etken. Para berý kezinde azamat sybaılas jemqorlyqqa qarsy qyzmettiń mamandarymen ustaldy. Kúdikti kináli dep tabylyp, sot úkimimen oǵan 1 250 000 teńge aıyppul salyndy. Bul onyń alǵan parasynyń 50 ese kórsetkishi. Sondaı-aq para alǵan azamattyń múlki tárkilenip, ómir boıy memlekettik qyzmette jumys isteý quqyǵynan aıryldy.
