Almaty oblysynda múgedek adamdy qorlaǵan bala izdestirilip jatyr
ALMATY. QazAqparat - Almaty oblysynda múgedek áıeldi qorlaǵan bala izdestirilip jatyr. Bul týraly oblystyq ІІD baspasóz qyzmetiniń jetekshisi Sergeı Neznaev aıtty.
Atalǵan oqıǵa Qapshaǵaı qalasynda 5 tamyz kúni keshki 18:14-te bolǵan. Bolǵan jaıttyń barlyǵy kóshedegi vıdeokameralardyń birine túsip qalǵan. Bul vıdeony Feısbýktegi paraqshasynda ıÝlııa Trofımova jarııalady.
Beınekadrda 6-7 jas shamasyndaǵy er balalardyń aıaldamada otyrǵan áıeldi mazaqtaǵany kórinip tur.
Múmkindigi shekteýli áıel qolyndaǵy paketten ıogýrt alyp bergen. Biraz ýaqyttan soń bala ıogýrtty áıeldiń ústine tógip, bosaǵan ydysyn betine laqtyryp jibergen. Odan keıin áıeldiń basyna qutydaǵy sýdy quıyp jiberip, qutysyn taǵy laqtyrǵan. Jas balanyń bul áreketi kópshiliktiń ashý-yzasyn týǵyzdy. Oblystyq ІІD qazir atalǵan oqıǵaǵa qatysty adamdardy anyqtap jatyr.
«Áıeldiń ózin, balalardy, vıdeoǵa túsirgender men vıdeony jarııalaǵan adamdardy izdestirip jatyrmyz», - dedi Sergeı Neznaev.
