Almaty oblysynda muǵalimdi oqýshynyń ata-anasy uryp ketti
TALDYQORǴAN.QazAqparat - Almaty oblysynda muǵalimdi ata-ana kabınetine izdep kelip, soqqyǵa jyqty. Oqıǵa Іle aýdanynyń Boraldaı aýylyndaǵy Kenen Ázirbaev atyndaǵy orta mektepte bolǵan, dep habarlaıdy QazAqparat tilshisi.
Іstiń nasyrǵa shabýyna oqýshy sebep bolǵan. 6-shy synyptyń balasy úıine muǵalim urdy dep shaǵymdanyp barǵan. Al máseleniń aq-qarasyn anyqtamaǵan jetkinshektiń anasy men ápkesi mektepke kelip, muǵalimdi soqqyǵa jyqqan. Qazir taıaq jegen ustaz Boraldaıdaǵy aýrýhanada jatyr.
Dárigerdiń aıtýynsha, jábirlenýshi maman bas mı jaraqatyn alǵan. Tipti belgisiz bireýlerdiń áriptesin uryp jatqanyn kórip, kómekke kelgen ekinshi muǵalim de taıaq jegen. Ol qolyn jaraqattap alǵan. Al balanyń ata-anasy túsinik berýden bas tartty. Ustazdyń áriptesteri bolsa tájirıbeli mamannyń ersi minez kórsetýi múmkin emes deıdi.
«Dóreki sóıleý, qol kóterý múmkin emes. Ol kisiniń tabıǵatynda ondaı jaǵymsyz qylyq joq. Ol muǵalimniń qolynan ondaı nárse kelmeıdi», deıdi №15 K.Ázirbaev atyndaǵy orta mektep dırektorynyń orynbasary Arman Súleımenova.
