Almaty oblysynda muǵalim asylyp qaldy
TALDYQORǴAN. QazAqparat - Almaty oblysynda bastaýysh synyp muǵalimi asylyp qaldy. 23 jastaǵy Denıs Sorokınniń óli denesi aǵashqa asylyp turǵan jerinen tabyldy, dep habarlaıdy QazAqparat tilshisi.
Al oblystyq bilim basqarmasynyń basshysy Lázzat Bazarqulovanyń sózinshe, Denıs Sorokın Almaty oblysynda muǵalim bolyp jumys istemegen.
«Denıs Sorokın Aqmola oblysynyń týmasy. Kókshetaýda bilim alǵan. Bastaýysh synyp muǵalimi ekeni ras. Ol tamyz aıynda Eńbekshiqazaq aýdanynyń Esik qalasyndaǵy mektepterge jumys surap kelgen. Biraq Denıs bizge jumysqa ornalaspady», dedi oblystyq bilim basqarmasynyń basshysy Lázzat Bazarqulova.
Qazir atalǵan fakti boıynsha QR QK 105-babyna sáıkes is qozǵaldy. Aldyn ala boljam boıynsha, jigittiń óz-ózine qol jumsaýyna ǵashyǵymen renjisip qalǵany sebep bolýy múmkin.
