Almaty oblysynda moped júrgizýshisi júk kóliginiń astynda qalyp mert boldy
ALMATY. QazAqparat – Almaty oblysyndaǵy tasjolda moped júrgizýshisin KamAZ qaǵyp ketti, dep habarlaıdy QazAqparat tilshisi.
Almaty oblystyq polıtsııa departamenti málim etkendeı, jol-kólik oqıǵasy 7 qazanda «Baıserke-Shilikemer-Qaroı-Mejdýrechensk» jolynyń 30-shy shaqyrymynda bolǵan.
«Pedo» markaly mopedtiń 41 jastaǵy júrgizýshisi joldyń oń jaǵymen shyǵys baǵytta kele jatyp, 49 jastaǵy júrgizýshi tizgindegen KamAZ júk kóliginiń tirkemesimen soqtyǵysqan.
Moped júrgizýshisi alǵan jaraqatynan oqıǵa ornynda kóz jumdy.
«Jol apatyna qatysty qylmystyq is qozǵaldy. Fakt QR QK 345-baby 3-bólimi boıynsha tirkeldi. Qazirgi ýaqytta oqıǵanyń mán-jaıy tergelip jatyr» dep túsindirdi oblystyq polıtsııa.
