Almaty oblysynda moped temir qorshaýǵa soǵylyp, 6 jasar qyz mert boldy

QONAEV. QazAqparat – Almaty oblysynda balalarymen moped tizgindegen er adam qorshaýǵa soǵylyp, qyzy qazatapty, dep habarlaıdy QazAqparat tilshisi.

Onyń vıdeosy áleýmettik jelide tarady. Beınejazbadan aldynda balalary bar er adamnyń moped júrgizip kele jatqanyn kórýge bolady. Jyldamdyqpen ol temir qorshaýǵa soǵylady.

Almaty oblystyq Polıtsııa departamenti baspasóz qyzmetiniń málimetinshe, kólik apaty 2 shilde kúni Qarasaı aýdany Jibek joly aýylynda keshki saǵat 21:00 shamasynda boldy.

Aldyn ala málimetter boıynsha, 1981 jyly týǵan azamat S. Jıbek-joly aýyly kósheleriniń birinde mototsıkl júrgizip kele jatyp, rýldi basqara almaı, ǵımarat qorshaýyna soǵylǵan.

Jol - kólik oqıǵasy saldarynan júrgizýshi men onyń 2017 jylǵy kámeletke tolmaǵan qyzy túrli jaraqattarmen aýrýhanaǵa jetkizildi. Aýrýhanada bala esin jımastan qaıtys boldy»,-dep habarlady vedomstvodan.

Atalǵan derek QR QK 345-baby 3-bóligi boıynsha Qarasaı aýdanynyń polıtsııa basqarmasynda tirkeldi.

Barlyq qajetti saraptamalar taǵaıyndalyp, sotqa deıingi tergeý amaldary júrgizilýde.