Almaty oblysynda mınýs 3 gradýsqa deıin kún sýytady
TALDYQORǴAN. QazAqparat - 15-17 mamyr aralyǵynda Almaty oblysynda -3 °S-qa deıin kún sýytýy múmkin, dep habarlaıdy QazAqparat tilshisi.
«Qazgıdromet» RMK habarlaýynsha, aldaǵy táýlikterde aımaqta kún sýytady.
«Aldaǵy úsh táýlikte soltústik oblystarynda, kúndiz ortalyqta jańbyr, naızaǵaı, keı jerlerde burshaq bolýy yqtımal jáne aýa temperatýrasynyń kúrt tómendeýi kútiledi. Shamamen 30 gradýstyq ystyqtan keıin, kúndizgi aýa temperatýrasy 17-22 gradýsqa deıin tómendeıdi. Al elimizdiń shyǵysynda aldaǵy túnde jańbyrdyń sońy qarǵa ulasyp, 0-5 gradýs kún sýytady. Qazaqstannyń qalǵan aımaqtarynda naızaǵaımen birge ótkinshi jańbyr jaýyp, aýa temperatýrasy tómendeıdi», - delgen sınoptıkterdiń boljamynda.
