Almaty oblysynda meshitten qaıyrymdylyq jáshigin urlap ketti
TALDYQORǴAN. QazAqparat - Almaty oblysyndaǵy Eńbekshiqazaq aýdanyna qarasty Qyrbaltabaı aýylynda meshittegi qaıyrymdylyq jáshigi urlandy. Qasıetti Ramazan aıynda mundaı qylmysqa barǵan kúdikti jaıly ázirge málimet joq, dep habarlaıdy QazAqparat tilshisi.
Atalǵan faktini oblystyq ІІD baspasóz qyzmeti rastady.
«Búgin saǵat 12:00 shamasynda Eńbekshiqazaq aýdanynyń ІІB-ne atalǵan meshittiń ákimshiligi habarlasyp, bolǵan jaǵdaı jaıly habarlady. Qazir oqıǵa ornyna tergeý jedel toby shyǵyp, oqıǵanyń mán-jaıyn anyqtap jatyr», - dedi oblystyq ІІD baspasóz qyzmeti.
Sondaı-aq, atalǵan vedomstva ókilderi meshittegi qaıyrymdylyq jáshiginde qansha aqsha bolǵandyǵy belgisiz ekenin málim etti.
Foto: img-fotki.yandex.ru
