Almaty oblysynda meshitten 400 myń teńgeni urlap ketti
TALDYQORǴAN. QazAqparat - Qazaqstannyń birqatar óńirlerinde izdeýde júrgen qylmyskerler ustaldy. Bul týraly brıfıngte Іshki ister mınıstrliginiń resmı ókili málim etti, dep habarlaıdy QazAqparat vedomstvonyń baspasóz qyzmetine silteme jasap.
Atap aıtqanda, Pavlodar oblysynyń aýmaǵynda krımınaldy polıtsııa qyzmetkerleri halyqaralyq izdeýde júrgen Reseı azamatyn ustady. Oǵan RF Іshki ister mınıstrligi Novosibir oblysynyń bas basqarmasy izdeý jarııalaǵan.
«Budan bólek, Almaty oblysynda QR Qylmystyq kodeksiniń 4-baby 194-tarmaǵy boıynsha halyqaralyq izdeýde júrgen kúdikti ustaldy. Kúdiktiden 8 patrony bar Makarov tapanshasy tárkilendi.
Aıta keterligi, ótken túnde Almaty oblysy Kerbulaq aýdanynyń ishki ister bólimine jergilikti ımam ortalyq meshittegi seıften belgisiz bireýler 400 myń teńge men birqatar qujattardy urlap ketkeni týraly aryz túsirgen. Kúdiktilerdi ustaý sharalary júrgizilýde», - dedi resmı ókil Almas Sadýbaev.
Onyń aıtýynsha, ІІM-niń óz qatarynda sybaılas jemqorlyqpen kúres júıeli túrde júrgizip keledi. «Máselen, Aqtóbe oblysy ІІB ózindik qaýipsizdik basqarmasynyń qyzmetkerleri aıǵaqtardy burmalaǵan qalalyq ІІB Jergilikti polıtsııa qyzmetkerin áshkereledi. Osyǵan baılanysty tergeý júrgizilýde», - dedi ol.
