Almaty oblysynda meshitte urlyq jasaǵan kúdikti ustaldy
TALDYQORǴAN. QazAqparat - Almaty oblysynda meshitte urlyq jasaǵan kúdikti ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Іle aýdanynyń Polıtsııa basqarmasyna «Jápek batyr» aýylynyń turǵyny habarlasyp, Chapaevo eldi mekenindegi meshitte onyń qaltasynan iri kólemde qarjynyń qoldy bolǵanyn jetkizgen.
«Jedel-izdestirý sharalary barysynda osy qylmysqa qatysy bar kúdikti anyqtaldy. Ol 35 jastaǵy jergilikti turǵyn bolyp shyqty. Qylmysyn moıyndaǵan kúdiktiniń habarlaýynsha, ol taksıde kele jatqan kezde tap meshittiń janynda kólik buzylǵan. Júrgizýshige kóligin jóndeýge kómektesken ol janyndaǵy meshitke qol jýý úshin kirgen. Sol jerde ilinip turǵan syrt kıimdi kórip, qaltasyp teksergen. Qaltadaǵy 40 myń teńgeni alyp, jartysyn áıeline bergen, qalǵanyn óz keregine jumsaǵan», - dep tolyqtyrdy Іle aýdany Polıtsııa basqarmasynyń anyqtaýshysy polıtsııa kapıtany Maqsat Nurseıitov.
Tártip saqshylary kúdiktiniń buǵan deıin de ózgeniń múlkin urlaǵany úshin birneshe márte qylmystyq jaýapkershilikke tartylǵanyn anyqtady.
«Qylmysty ashýǵa oqıǵa ornynda túsirilgen beınejazbalar kómektesedi. Sondyqtan, jeke qaýipsizdik úshin azamattarǵa qoǵamdyq oryndarda, sondaı-aq jeke úılerde beınebaqylaý kameralaryn ornatýǵa keńes beremiz. Sonymen qatar, jeke zattaryńyzǵa muqııat bolýǵa jáne olardy qaraýsyz qaldyrmaýǵa shaqyramyz»,- dep atap ótti Maqsat Nurseıitov.
Qazirgi ýaqytta ustalǵan azamat qamaýǵa alyndy. Atalǵan derek boıynsha Qylmystyq kodekstiń 188-babyna sáıkes sotqa deıingi tergeý amaldary júrgizilip jatyr.
