Almaty oblysynda merekeleý kezinde shyrsha órtenip ketti
TALDYQORǴAN. QazAqparat - Almaty oblysynda shyrsha shara barysynda otqa orandy. Oqıǵa Kerbulaq aýdanynyń ortalyǵy Saryózek aýylynda bolǵan, dep habarlaıdy QazAqparat tilshisi.
Oblystyq TJD baspasóz qyzmetiniń ókili Azamat Jurtbaev bul jaıtty rastady.
«Oqıǵa Saryózek orta mektebinde bolǵan. Búgin saǵat 15:30 shamasynda jasandy shyrsha elektr symdarynyń qysqa tuıyqtalýynan órtengen. 35 adam qutqarýshylar kelgenge deıin dalaǵa shyǵarylǵan jáne qyzyl jalyn tótenshelikter jetkende óship qalǵan», dep málim etti A.Jurtbaev.
Sondaı-aq baspasóz qyzmetiniń aıtýynsha, mekteptiń sport zalyna eshqandaı zaqym kelmegen. Zardap shekkender joq.
