Almaty oblysynda menıngokokk ınfektsııasy boıynsha ahýal qandaı
TALDYQORǴAN. QazAqparat - Almaty oblystyq Densaýlyq saqtaý basqarmasynyń basshysy Baýyrjan Ysqaq menıngokokk ınfektsııasy boıynsha óńirdegi ahýal týraly aıtty, dep habarlaıdy QazAqparat tilshisi.
Basqarma basshysy Talǵar aýdanynda menıngıtten qaıtys bolǵan 19 jastaǵy qyz dárigerlerge ýaqytynda júginbegenin alǵa tartady. Naýqas syrqaty qatty asqynǵan sátinde Talǵar aýdandyq aýrýhanasyna kelgen. «Mamandar birden boıjetkendi Qaskeleń qalasyndaǵy ınfektsııalyq aýrýhanaǵa jetkizgen», - deıdi óńirdiń bas dárigeri.
Jalpy Almaty oblysynda dárigerler 3 adamdy bul indetten aman alyp qalǵan. Eńbekshiqazaq aýdandyq aýrýhanasyna bir úıdiń 2, 9 jáne 11 jastaǵy balalary bir ýaqytta túsken. Qazir olarmen qarym-qatynasta bolǵan 56 adam anyqtalyp, baqylaýǵa alynǵan. Sondaı-aq taǵy bir 24 jastaǵy Taldyqorǵan turǵynyna menıngıt dıagnozy qoıylyp, em-dom sharalary júrgizilip jatyr.
«Qazir onyń ómirine qaýip tónip turǵan joq», - dep atap ótti vedomstvo basshysy.
Óńirde juqpaly aýrýlarǵa 595 oryn qarastyrylǵan. Jedel járdem beketteri qajetti medıtsınalyq jabdyqtarmen tolyq qamtamasyz etilgen. Turǵyndardy aqparattandyrý máselesi kúsheıtilgen.
Aıta ketý kerek, atalǵan indetten Almaty oblysynda úsh adam kóz jumdy.
