Almaty oblysynda memsatyp alý arqyly 13 mln teńgeniń syılyǵy alynbaq bolǵan
Búgin QR Sybaılas jemqorlyqqa qarsy is-qımyl agenttiginiń onlaın-brıfıngi ótti. Onyń barysynda málim etilgendeı, sońǵy 4 jylda Qazaqstanda memlekettik satyp alý kólemi eki esege ulǵaıǵan: 2017 jydy – 3,3 trln teńge, 2018 jyly – 3,9 trln teńge, 2019 jyly – 4,4 trln teńge, 2020 jyly – 6,6 trln teńge.
Bul salada jemqorlyq qylmystary sanynyń aıtarlyqtaı tómendegeni baıqalyp otyr: 2017 jyly – 316, 2018 jyly – 369, 2019 jyly – 310, 2020 jyly - 283.
Eger Qarjy mınıstrliginiń ýákiletti organdaryna memlekettik satyp alý rásimderiniń durystyǵyn baǵalaý júktelse, Sybaılas jemqorlyqqa qarsy is-qımyl agenttigi satyp alý baǵalarynyń negizdiligine taldaý jasaıdy.
Osyndaı faktiler anyqtalǵan jaǵdaıda baǵalardy naryqtyq baǵaǵa sáıkestendirý týraly usynyshat joldanady.
Máselen, Almaty oblysynda 13 mln teńgege syılyq jıyntyqtaryn satyp alýdyń joly kesildi.
Taǵy bir mysal, Batys Qazaqstan oblysyndaǵy aýdandardyń birinde kópbalaly otbasyǵa turǵyn úı satyp alý úshin aýdany 40-tan 60 sharshy metrge deıingi páterdi 30 mln teńgege satyp alý josparlanǵan. Agenttiktiń aýmaqtyq departamenti aýdandaǵy jyljymaıtyn múlik naryǵyn zerttep, satyp alýdy qaıta qaraý týraly usynys jasady. Nátıjesinde, osy aýdandaǵy aýyldyq jerlerdegi turǵyn úı qunyn eskere otyryp, sol 30 mln teńge sheginde kópbalaly otbasylar úshin 6 páter satyp alyndy.
Al Pavlodar oblysy ákimshileriniń biri naryqtyq baǵa boıynsha 39 myń telefon apparatyn satyp alýdy josparlaǵan. Departamenttiń áreket etýinen keıin satyp alý toqtatylǵan.
Osylaısha, aýmaqtyq departamentterdiń, agenttiktiń jáne «Atameken» Ulttyq kásipkerler palatasynyń birlesken kúsh-jigeriniń arqasynda 2020 jyly 22 mlrd teńge mólsherindegi bıýdjet qarajatynyń tıimsiz jumsalýyna tótep berýge múmkin bolǵan.
Al bıylǵy eki aıdyń ózinde únemdeý 6,7 mlrd teńgeni qurady.
.
