Almaty oblysynda memlekettik-jekeshelik áriptestik negizinde sý qoımasy salynady
TALDYQORǴAN.QazAqparat - Almaty oblysynyń Sarqan aýdanynda kólemi 80 mln tekshe metr bolatyn sý qoımasy salynady. Bul týraly aýdan ákimi Erǵazy Qoshanbekov qoǵamdyq keńes aldyndaǵy esebinde baıandady, dep habarlaıdy QazAqparat tilshisi.
Jasandy kól eki aýdannyń 17 myń gektar alqabyn sýarýǵa múmkindik beredi. «Bıyl aýdanǵa jalpy 5 mlrd 300 mln teńgeniń ınvestıtsııasyn tartý boljanýda. Investıtsııa josparyn oryndaý úshin qazirgi kezde Pokatılovka sý qoımasy qurylysynyń qarjylyq ekonomıkalyq qorytyndysy jasalýda, taldaý aqpan aıynda aıatalǵannan keıin, jobalyq qujattary ázirlenedi. Sý qoımasy iske qosylǵan jaǵdaıda 17000 ga sýarmaly jerge sý jetkiziledi, onyń 3554 gektary Sarqan aýdanyna, 13446 gektary Aqsý aýdanyna tıesili. Osy jerge «Energo Most» seriktestigi GES salýdy josparlap otyr»,- dedi Sarqan aýdanynyń ákimi E. Qoshanbekov.
Sondaı-aq, qoǵamdyq keńes aldynda ákim kúrmeýli máselelerdiń de sheshimin tabý joldaryn qarastyryp jatqanyn málimdedi. 36 aýyldyń 12 eldi mekeni sapaly aýyz sýǵa zárý. Bul máseleler kezeń-kezeńimen sheshiledi dep senim bildirdi. Al qoǵamdyq keńes músheleri ákim ýádeleriniń oryndalýyn qadaǵalaıtyn bolady.
Aıta ketý kerek, qazirgi tańda Almaty oblysynda 20 úlkendi-kishili sý elektr stantsııasy jumys istep tur. Olardyń tórteýi Sarqan aýdanynda ornalasqan.
