Almaty oblysynda memlekettik jekemenshik əriptestik negizinde 208 balabaqsha jumys isteıdi
ASTANA. QazAqparat - Almaty oblysta memlekettik jekemenshik əriptestik negizinde 208 balabaqsha jumys isteıdi. Bul týraly QR Premer-mınıstriniń orynbasary Darıǵa Nazarbaevanyń qatysýymen ótip jatqan QR Bilim jáne ǵylym mınıstrliginiń keńeıtilgen alqa otyrysynda Almaty oblysy əkiminiń orynbasary Altaı Ónerbaev məlim etti.
«Sońǵy bes jylda Elbasynyń «Balapan» baǵdarlamasynyń aıasynda oblysymyzda 528 balabaqsha ashyldy. Buryn jekeshelendirilip ketken 76 balabaqsha qaıta kommýnaldyq menshikke qaıtaryldy. Qazir oblys boıynsha búldirshinderdi balabaqshamen qamtý deńgeıi 73 paıyzdy quraıdy. Bul kórsetkishti 2019-2020 jyldarǵa deıin 100 paıyzǵa jetkizemiz dep josparlap otyrmyz. Degenmen, mektep jasyna deıingi búldirshinderdi balabaqshamen qamtý - ózekti məselelerdiń biri bolyp otyr.
Mine, osyndaı kúrdeli jaıttyń ońtaıly sheshimin tabýda óńirimizde memlekettik-jekemenshik seriktestik mehanızmin qoldaý baǵytynda júrgizilip jatqan jumystardy atap ótsem. Oblysta memlekettik jekemenshik əriptestik negizinde 208 balabaqsha jumys isteıdi. 2015 jyldyń ózinde 88 balabaqsha seriktestik arqyly ashyldy. Osy rette aıta keteıin, Jambyl aýdanynda əlem chempıony, sport sheberi Jaqsylyq Úshkempirov aǵamyz osy əleýmettik əriptestik arqyly óz qarajatyna 100 oryndyq balabaqsha ashty. Qasyna sport keshenin salyp berdi jəne əleýmettik úı salyp berdi»,-dedi A.Ónerbaev.
