Almaty oblysynda memlekettik qyzmetkerlerdiń 30 paıyzy testileýden ótti

TALDYQORǴAN.QazAqparat - Almaty oblysynda B korpýsyndaǵy memlekettik qyzmetkerlerdiń 30 paıyzy testileýden ótti. Jalpy synaq tapsyratyn qyzmetkerler sany 5700-den asady, dep habarlaıdy QazAqparat tilshisi.

Qazir olar psıhoemotsıanaldy suraqtarǵa jaýap berýde. Arnaıy jabdyqtalǵan zalda kúnine 200-ge jýyq memlekettik qyzmetshi tapsyryp úlgeredi. Olardyń 10 paıyzynyń jaýaby «óte jaqsy» degen baǵa alsa, 80 paıyzdan astamy «tıimdi» degen kórsetkish kórsetýde. Al 7 paıyz qyzmetshi «qanaǵattanarlyq» degen deńgeıde qalyp otyr. Jalpy bul synaq ár tulǵanyń kásibı biliktiligin baǵalap, qyzmettik baspaldaq boıynsha ósýine múmkindik beredi.

"Boıyndaǵy kásiptik deńgeıiniń qandaı ekenin biledi. Jáne soǵan baılanysty bolashaqta qaı deńgeıin joǵarlatyp, bıiktetip, oqyp, bilip alýǵa ýaqyt berip otyrmyz. Soǵan talap qoıyp otyrmyz. Jáne sol baǵytta suraý da bolady", - deıdi QR Memlekettik Qyzmet Іsteri jəne sybaılas jemqorlyqqa qarsy is-qımyl  agenttiginiń Almaty oblysy boıynsha Departament basshysy Serikbaı Nurǵısaev.

 Arnaıy testileý  mamandandyrylǵan HQKO (avtotson) ǵımaratynda ótip jatyr. Atalǵan attestattaý jumystary 2017 jyldyń І jartyjyldyǵynda tolyǵymen aıaqtalady.