Almaty oblysynda memlekettik qyzmetkerdiń shaǵymyn qaraıtyn arnaıy top quryldy

TALDYQORǴAN. QazAqparat - Almaty oblysynda Memlekettik qyzmetkerdiń shaǵymyn qaraıtyn arnaıy top quryldy. Endi attestatsııadan súringen, ne bolmasa sheshimine kóńili tolmaǵan tulǵa arnaıy qurylǵan mobıldi topqa júgine alady, dep habarlaıdy QazAqparat tilshisi.

Shaǵymdy qaraıtyndar quramynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń basshylyǵy, máslıhat depýtattary, BAQ ókilderi bar.   

Aıta ketý kerek, qazir oblystyń memlekettik qyzmetkerleri testileýden ótip jatyr. Bir kúnde 200 jýyq adam synaq tapsyrýda. Keshendi attestattaýdy alǵashqy bolyp «B» korpýsynyń basshylyq laýazymyndaǵy  qyzmetkerleri tapsyrdy.  Jalpy Almaty oblysynda 5774 memlekettik qyzmetker testileýden ótedi. Osy attestatsııanyń sheshimimen kelispegender endi arnaıy mobıldi topqa shaǵymdana alady. Sondaı-aq, memlekettik qyzmetshi ýákiletti organǵa, aýmaqtyq bólimshesine nemese sotqa júgine alady. Bul jóninde atalǵan departamenttiń baspasóz qyzmetindegi ókili Symbat Israpýlova málim etti.