Almaty oblysynda mektepte oqyp júrgen 355 oqýshy koronavırýs juqtyrdy
«2021 jyldyń 1-17 qyrkúıek aralyǵynda oblys boıynsha oqýshylar arasynda koronavırýs ınfektsııasymen syrqattanýdyń 583 jaǵdaıy tirkeldi.Onyń ishinde 214 jaǵdaı jazǵy demalys kezinde, 355 jaǵdaı offlaın oqytý kezinde jáne 14 jaǵdaı onlaın oqytýda tirkelgen»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáıkes, qazir oblysta 341 synyp karantınge jabylǵan.
«Oblystyń 167 mektebiniń 341 synybyna karantın engizý týraly qaýly shyqty jáne 5042 oqýshy qashyqtan oqı bastady.
Pedagogter arasynda 1-17 qyrkúıek aralyǵynda oblys boıynsha KVI-men aýyrǵandardyń 88 jaǵdaıy tirkeldi, onyń ishinde 32 pedagog jazǵy demalys kezinde aýyryp qaldy.
Óńirlerdegi sanıtarlyq-epıdemıologııalyq baqylaý basqarmalary pedagogtar, oqýshylar, stýdentter jáne tehnıkalyq personal arasynda syrqattanýdyń kúndelikti monıtorıngin júrgizedi»,- dep tolyqtyrdy atalǵan vedomstvonyń baspasóz qyzmetinen.