Almaty oblysynda mektep oqýshysyn júk kóligi qaǵyp, mert qyldy
ALMATY. QazAqparat – Almaty oblysynda 8 jasar oqýshy ıtten qorqyp, jolǵa júgirip shyqqan. Ony júk kóligi basyp ketken, dep habarlaıdy QazAqparat tilshisi.
Almaty oblystyq polıtsııa departamenti jol apatynyń 8 qazan 13:20-da Esik qalasynda bolǵanyn málimdedi.
«Isuzu» júk kóliginiń 35 jastaǵy júrgizýshisi Malkeev kóshesiniń boıymen kele jatyp, búldirshindi qaǵyp ketken. Trotýarmen kele jatqan 8 jasar bala ıtten qorqyp qashyp, jolǵa júgirip shyqqan. Bala alǵan jaraqaty saldarynan oqıǵa ornynda qaza tapty. QR QK 345-baby 3 bóligi boıynsha sotqa deıingi saraptama taǵaıyndaldy», - dedi Almaty oblystyq PD baspasóz qyzmetinen.
Avtory: Elaman Turysbekov
