Almaty oblysynda medıtsınalyq quraldarmen qamtý deńgeıi 90% jetti - Batalov
TALDYQORǴAN. QazAqparat - Almaty oblysynda medıtsınalyq qyzmettiń qoljetimdi bolýy jáne 2025 jylǵa deıin shalǵaı eldi mekenderdi de tolyq qamtý úshin 109 nysan salý kózdelgen. Sonyń 23-i bıyl salynady, sol qatarda 20 blokty-modýldi medpýnktter de bar.
Bul jaıynda Almaty oblysynyń ákimi Amandyq Batalov Nur-Sultan qalasynda ótken brıfıng kezinde aıtty.
Spıkerdiń aıtýynsha, densaýlyq saqtaý salasynda 2020-2021 jyldary koronavırýspen kúres sharalaryna jergilikti bıýdjetten 14 mlrd teńge bólindi. Taldyqorǵan qalasynda qysqa merzimde 200 oryndyq modýldi ınfektsııalyq aýrýhana salyndy. 3 tomograf, 18 rentgen-apparat, 219 IVL, 180 jedel járdem mashınasy, 12 jyljymaly medıtsınalyq keshen satyp alyndy.
«Sonyń nátıjesinde medıtsınalyq qural-jabdyqtarmen jáne sanıtarlyq avtokólikpen qamtamasyz etý deńgeıi 90% kóterildi», - dedi A.Batalov.
Sondaı-aq, baıandamashy qazirgi kezde halyqqa vaktsına egý jumystarynyń belsendi júrip jatqanyn, 410 myń doza vaktsına alynǵanyn aıtty. Birinshi komponenti 211 myń adamǵa, ekinshi komponenti 119 myń adamǵa salynǵan. Oblysta barlyǵy 1,1 mln. adamdy qamý josparlanǵan.
