Almaty oblysynda medıtsınalyq kitapsha satqan adamǵa jarty mln teńge aıyppul salyndy

TALDYQORǴAN. QazAqparat - Almaty oblysynda medıtsınalyq kitapsha satqan emdeý ortalyǵynyń laýazymdy tulǵasy jarty mıllıon teńgeden astam aıyppul tóleıtin boldy, dep habarlaıdy QazAqparat tilshisi.

Densaýlyq salasyndaǵy zańsyzdyqty Almaty oblysynyń arnaıy monıtorıngtik toby «Jetisý - adaldyq alańy» jobalyq keńsesimen birlesip anyqtady.

««Jasyryn satyp alýshy» Almaty oblysynyń medıtsınalyq ortalyqtarynyń birine baryp, 20 mınýt ishinde barlyq tekserýden ótti degen medıtsınalyq kitapshany 1600 teńgege satyp alǵan. Arnaıy monıtorıngtik top bul jerde «Halyq densaýlyǵy jáne densaýlyq saqtaý júıesi týraly» QR Kodeksiniń buzylǵanyn anyqtady», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamenti baspasóz qyzmetiniń ókili Symbat Israpýlova.

Atalǵan fakti boıynsha medıtsınalyq ortalyqqa qatysty ýákiletti organdar QR ÁQBtK 284 jáne QR ÁQBtK 425-baby boıynsha 230 AEK kóleminde ákimshilik aıyppul túrinde 2 ákimshilik hattama toltyrdy.