Almaty oblysynda mashınasyn satýǵa kelgen adamdy óltirip, kóligin aıdap ketti
TALDYQORǴAN.QazAqparat - Almaty oblysynyń polıtseıleri iri kólik bazarynyń birinde kólik satýǵa kelgen adamdy óltirip, kóligin alyp ketken kúdiktini ustady, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń habarlaýynsha, kúdikti «Toıota» markaly kóligin satýǵa kelgen 26 jasar azamatty «aqshany úıde beremin» degen jeleýmen aldap, kólikke notarıaldy qujat jasatqan. Artynsha kólik ıesin óltirip, máıitin jol-jónekeı kómip ketken.
«Túrkistan oblysynyń turǵynyn óltirip, kóligin alyp ketken kúdikti buǵan deıin de sottalǵan. Qazir 36 jastaǵy oblys turǵyny ustalyp, qamaýǵa alyndy. Qazirgi tańda QR Qylmystyq kodeksiniń 99-babyna sáıkes sotqa deıingi tergeý amaldary júrgizilýde. Bul is oblystyq tergeý basqarmasynyń óndirisinde», - dep atap ótti oblystyq polıtsııa ókilderi.
Aıta keteıik, qoldy bolǵan kólik kúdiktiniń úıinen tabylyp, tárkilendi jáne is materıaldaryna aıǵaqzat retinde tirkeldi.
