Almaty oblysynda mas júrgizýshi jeńil kóliktiń salonyna mal artqan
TALDYQORǴAN. QazAqparat - Almaty oblysynda jeńil avtokóliktiń salonynda mal tasymaldaǵan mas júrgizýshi ustaldy, - dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, oqıǵa Almaty-Óskemen avtojolynyń 230 shaqyrymynda Kóksý aýdany Balpyq bı kentiniń janynda bolǵan. Muqyry aýylynyń 31 jastaǵy turǵyny basqarǵan «Folksvagen Golf» avtokóligin tártip saqshylary toqtatqan.
«2019 jyly júrgizýshiniń úsh jyl merzimge kólik júrgizý quqyǵynan aıyrylǵandyǵy anyqtaldy. Atalǵan derek QR QK 346-babynyń 1-bóligine sáıkes SDTBT-de tirkeldi. Kúdiktiniń ishimdik ishkennen keıin, kórshi aýylda turatyn aǵasyna maldy aparýǵa sheshim qabyldaǵany belgili boldy»,- dedi Kóksý APB bastyǵy polıtsııa podpolkovnıgi Ramıl Gımadıev.
Avtokólik aıyp turaǵyna qoıyldy. Kúdiktige qatysty mekenjaıyn ótgertpeý týraly mindetteme túrinde protsestik májbúrleý sharasy tańdaldy.
«Rólge masań kúıde otyrýǵa bolmaıtynyn qatań eskertemiz. Esterińizge sala keteıin, kólik quraldaryn mas kúıinde basqarǵany úshin basqarý quqyǵynan aıyrylǵan adam qylmystyq jaýapkershilikke tartylady. Quqyq buzýshyǵa qatysty iri aıyppul nemese basqa 5 jylǵa bas bostandyǵynan aıyrýǵa deıingi jaza qoldanylýy múmkin»,-dep tolyqtyrdy Ramıl Gımadıev.
