Almaty oblysynda mas júrgizýshi polıtsııa qyzmetkerine shabýyldady
TALDYQORǴAN. QazAqparat - Almaty oblysynda polıtseıge shabýyldaǵan mas júrgizýshige qatysty qylmystyq is qozǵaldy, dep habarlaıdy QazAqparat tilshisi.
Qazir 26 jastaǵy aýyl turǵyny qamaýda otyr.
Oblystyq polıtsııa departamentiniń aqparatyna súıensek, polıtseıler «Almaty - Óskemen» avtojolynyń shetinde uzaq ýaqyt turǵan BMW avtomashınasyn teksergen.
«Eger avtomobıl elsiz jerde uzaq ýaqyt tursa, polıtsııa qyzmetkerleri onyń mán-jaıyn bilý úshin tekserýge mindetti. Ártúrli jaǵdaı bolýy múmkin, mysaly, júrgizýshiniń mazasy bolmaýy múmkin, tipti áldekim oǵan shabýyldaǵan bolýy da múmkin. Al myna jaǵdaıda, mas júrgizýshi judyryq túıip polıtseılerge tóngen. Biraq polıtsııa qyzmetkerleri ony tynyshtandyryp, polıtsııaǵa jetkizgen», - delingen habarlamada.
Qazir osy derek boıynsha sotqa deıingi tergep-tekserý bastaldy.
