Almaty oblysynda mas júrgizýshi qaqqan oqýshylardyń jaǵdaıy aýyr
ALMATY. QazAqparat - Almaty oblysynyń Qoram aýylynda mas júrgizýshi qaǵyp ketken eki qyzdyń jaǵdaıy óte aýyr. Bul týraly QazAqparat tilshisi oblystyq densaýlyq saqtaý basqarmasyna silteme jasap habarlaıdy.
Oblystyq densaýlyq saqtaý basqarmasynyń basshysy Ómirzaq Nııazbekov zardap shekken qyzdardyń jaǵdaıyn bilý úshin Shelek aýylyndaǵy aýdandyq aýrýhanaǵa arnaıy bardy.
Balalardyń jaǵdaıymen tanysqan soń, basqarma basshysy balalardyń saýyǵýy úshin barlyq qajetti kómek kórsetiletinin atap ótti. Aýrýhanaǵa kún saıyn balalarǵa medıtsınalyq kómek kórsetetin Almaty aımaqtyq balalar klınıkalyq aýrýhanasynan neırohırýrgtar, travmatologtar, reanımatologtar keledi.
«Qazirgi ýaqytta Shelek aýylyndaǵy aýdandyq aýrýhanasyna túsken 2012 jyly týylǵan eki qyz balanyń jaǵdaıy aýyr. 2011 jyly týǵan úshinshi qyzdyń jaǵdaıy ortasha. Ol Almaty aımaqtyq balalar klınıkalyq aýrýhanasynda emdelýde. Qazirgi ýaqytta toperatsııa jasaldy», - dedi basqarma.
Esterińizge salsaq, 2 naýryzda Koram aýylynda «Ýaz» avtokóliginiń mas júrgizýshisi jol jıeginde turǵan eki 8 jáne eki 9 jastaǵy qyzdardy qaǵyp ketken. Jol oqıǵasynyń nátıjesinde jaraqat alǵan úsh bala túrli dene jaraqattarymen Shelek aýdandyq aýrýhanasyna jatqyzyldy. Tórtinshi qyzdy dárigerler qaraǵan soń, úıine jiberilgen.
Dárigerler sol kezde eki oqýshy qyzdyń jaǵdaıyn aýyr jáne óte aýyr dep baǵalaǵan.
Sonymen qatar, bul oqıǵany tergeýdi Qazaqstan Respýblıkasynyń Prezıdenti óz baqylaýyna alǵany habarlanǵan bolatyn.
