Almaty oblysynda mas júrgizýshi balany qaǵyp, izin jasyrǵan
TALDYQORǴAN.QazAqparat - Almaty oblysynda 51 jastaǵy er adam 9 jastaǵy balany kóligimen qaǵyp, oqıǵa ornynan qashyp ketti. Qazir túrli dene jaraqatyn alǵan jasóspirim aýrýhanada jatyr, dep habarlaıdy QazAqparat tilshisi.
Oqıǵa Eńbekshiqazaq aýdanynyń Baıterek aýyly mańyndaǵy janar maı quıý beketiniń mańynda bolǵan. 25 maýsym kúni keshkisin jaıaý júrginshi jolaǵynda 9 jastaǵy balany qaǵyp ketken. Zardap shekken jasóspirim túrli dene jaraqatymen aýrýhanaǵa jetkizildi.
«Oqıǵa ornynan izin sýytqan kólik júrgizýshiniń «Nıva Shevrolet» markaly mashınany tizgindegeni anyqtaldy. Jedel-izdestirý barysynda 51 jastaǵy kúdikti ustaldy. Ol Almaty qalasynyń turǵyny bolyp shyqty. Tekserý barysynda kúdiktiniń ishimdik ishkeni anyqtaldy. Er adam ustalyp, Eńbekshiqazaq aýdanynyń polıtsııa bólimshesine jetkizildi», - dep málimdedi Almaty oblystyq polıtsııa departamentiniń baspasóz qyzmetinen.
