Almaty oblysynda mas jigitter tóbelesip, bireýi aýyr soqqydan ajal qushty
TALDYQORǴAN. QazAqparat - Almaty oblysynda birigip ishimdik ishken jigitter tóbelesip, bir adam kóz jumdy, dep habarlaıdy QazAqparat tilshisi.
Oqıǵa Talǵar aýdanyndaǵy Qyzyl Qaırat aýylyndaǵy dámhanalardyń birinde bolǵan. Dál osy jerden soqqyǵa jyǵylǵan azamatty aýyr halde aýrýhanaǵa jetkizgen.
«Zardap shegýshi esin jımastan aýrýhanada kóz jumdy. Qazirgi tańda eki kúdikti ustaldy. QR QK 106 baby 3-shi bóligi boıynsha is qozǵaldy», - dedi oblystyq ІІD baspasóz qyzmeti.
Anyqtalǵandaı, kúdiktiler buǵan deıin qylmystyq jaýapkershilikke tartylmaǵan. Atalǵan fakti boıynsha tergeýdi Talǵar aýdanynyń ІІB mamandary júrgizýde. Qazirgi tańda, osy oqıǵa oraı qajetti sot-medıtsınalyq saraptama taǵaıyndalǵan. Al 1994 jylǵy eki azamat qamaýǵa alyndy.
