Almaty oblysynda mas áıel bóten bireýdiń kóligin minip ketken
TALDYQORǴAN. QazAqparat - Almaty oblysynda polıtseıler jol talǵamaıtyn kólikti aıdap áketken 41 jastaǵy áıeldi izin sýytpaı ustady, dep habarlaıdy QazAqparat tilshisi.
Oqıǵa Qarasaı aýdanynda bolǵan. 30 jastaǵy almatylyq Qosózen kentinde «Toıota Sıýrf» avtokóligin belgisiz bireýdiń urlap áketkenin aıtyp, shaǵymdanǵan. Polıtseıler jol talǵamaıtyn kólikti tapty. Ony ishimdik ishken áıel tizgindegen.
«41 jastaǵy Talǵar aýdanynyń turǵynyna kólik urlady degen kúdik keltirýde. Ol qonaqqa kelip, kóshege shyqqan soń turaqta turǵan jol talǵamaıtyn kólikti baıqap qalǵan. Kóliktiń esigi ashyq turǵan jáne otalyp turǵan. Áıel mas kúıinde rýlge otyryp, Almatyǵa jol tartqan. Onyń ne sebepti bundaı áreketke barǵany anyqtalyp jatyr», - dep habarlady Almaty oblystyq PD baspasóz qyzmetinen.
Mas kúıdegi áıel túnde Qarasaı aýdanynan Almaty qalasyna barmaqshy bolady. Osy maqsatta kórshi úıdiń aýlasynda turaqta turǵan kólikti aıdap áketken. Polıtseıler 30 mınýttyń ishinde uryny ustady, - dep habarlady Almaty oblystyq polıtsııa departamentiniń baspasóz qyzmeti.
Polıtseıler bul fakti boıynsha qylmystyq is qozǵady. Budan bólek, kúdiktiniń júrgizýshi kýáligi bolǵandyqtan, ony mas kúıinde kólik júrgizgeni úshin ákimshilik jaýapqa tartpaqshy.
