Almaty oblysynda marafonshy márege birneshe metr qalǵanda kóz jumdy

ALMATY. QazAqparat- Almaty oblysynda «Tengri Ultra 2023» marafonynyń qatysýshysy Rýslan Joldybaev júrek talmasynan mert boldy, dep habarlaıdy QazAqparat tilshisi.

Qaıǵyly oqıǵa 9 mamyr kúni Іle ózeni ańǵarynda boldy.

Almaty oblysynyń ákimdigi marafonshynyń ólimine qatysty pikir bildirdi.

«Tengri Ultra 2023» marafonynda 1982 jyly týǵan er adam 15 shaqyrymdyq qashyqtyqty baǵyndyrǵan soń máre syzyǵyna birneshe metr qalǵanda qulap qaldy. Kezekshi jedel járdem brıgadasy birden tıisti sharalar qabyldady. Biraq ókinishke oraı, er adam qaıtys boldy.

Jelide taraǵan «jedel járdem 10 mınýttan keıin keldi» degen aqparat shyndyqqa janaspaıdy. Sporttyq shara kezinde jedel járdem kóligi táýlik boıy kezekshilik jasap júrdi», - dep habarlady Almaty oblysy ákimdiginiń baspasóz qyzmeti.