Almaty oblysynda mal urylarymen kúres bastaldy
Almaty oblystyq Polıtsııa departamenti baspasóz qyzmetiniń málimetinshe, aldyn alý jáne mal urlyǵyna qatysy bar tulǵalardy anyqtaý, sondaı-aq osyǵan uqsas qylmystardyń oryn alýyna jaǵdaı jasaıtyn sebepterdi joıý maqsatynda Almaty oblysy aýmaǵynda 18 mamyrdan bastap «Mal urlyǵy» jedel aldyn alý is-sharasy júrgizilýde.
Іs-shara barysynda oblys aýmaǵynda osyndaı urlyqtyń 7 deregi tirkelip, olardyń barlyǵy kezekshi táýlik ishinde ashyldy. Sonymen qatar, tártip saqshylary buǵan deıin jasalǵan mal urlyǵyna qatysty 12 qylmysty áshkere qyldy. Qoldy bolǵan 8 bas mal tabylyp, zańdy ıelerine qaıtarldy. Mal urlyǵyn kásip qyldy degen kúdikpen 20 kúdikti tulǵa ustalyp, 3 qylmystyq toptyń joly kesildi. Іs-shara barysynda 24 et jáne mal ónimderin satý oryndary tekserildi. 58 sharýa qojalyǵy men qystaqtar tekserilip, maldyń qaýipsizidgin qamtamasyz etý boıynsha túsindirý jumystary júrgizildi. Mal jáne et ónimderin tasymaldaýshylardyń 6 kóligi tekserildi.
Oblystyq polıtseıler atalǵan qylmystyń aldyn alýǵa baǵyttalǵan arnaıy sharalar turaqty túrde ótkiziletinin atap ótti.
Óz kezeginde, tártip saqshylary mal urlyǵyn boldyrmaý úshin tórt túlikti qaraýsyz jibermeýge, mal qoralarda qaýipsizdik sharalaryn kúsheıtýge, al qoldy bolǵan jaǵdaıda shuǵyl polıtsııaǵa habar berýge keńes berdi. Óıtkeni, ýaqyt ótip ketse, barymtashylardy anyqtaý qıynǵa túsetini anyq.
