Almaty oblysynda mal urlyǵyna qatysy bar 110 kúdikti ustaldy
TALDYQORǴAN. QazAqparat - Almaty oblysynyń polıtseıleri 45 kún ishinde mal urlyǵyna qatysy bar 110 kúdiktini ustady. Tártip saqshylary «Mal urlyǵy» jedel aldyn alý is-sharasy barysynda 150 derekti áshkereledi, dep habarlaıdy QazAqparat tilshisi.
«Jedel izdestirý jumystary nátıjesinde 45 kún ishinde mal urlyǵyna qatysty 93 qylmys izi sýymaı ashyldy. Buǵan deıin jasalǵan ózgeniń malyn qoldy etýdiń 56 dereginiń mán-jaıy anyqtalyp, kúdiktiler ustaldy. Onyń 37 qylmysy «burynǵy jyldar» sanatyna jatady. Qoldy bolǵan maldy izdestirý barysynda polıtseıler 177 maldy óz ıelerine qaıtardy», - dep málimdedi oblystyq polıtsııanyń baspasóz qyzmeti.
Sonymen qatar, tártip saqshylary oblys aýmaǵynda mal jáne et ónimderin tasymaldaýǵa talapty kúsheıtken. Oblystaǵy barlyq avtojoldarda beketter uıymdastyryp, is-shara kezinde 3300 kóliktiń qujattary tekserilip, mal tasymaldaý tártibin buzǵan 440-tan astam júrgizýshi jaýapkershilikke tartylǵan.
Óz kezeginde, tártip saqshylary mal ıelerine óz maldaryna muqııat bolýǵa shaqyrady. Jaıylymnan joǵalǵan maldy ózderi izdep, kóp ýaqyt joǵaltatynyn jáne ol maldy jedel izdestirýge keri yqpal etetinin eskertedi.
