Almaty oblysynda mal urlaǵan 8 adamǵa úkim shyqty
TALDYQORǴAN. QazAqparat - Almaty oblysyndaǵy Kerbulaq aýdanynyń №2 aýdandyq sotynda segiz aıyptalýshyǵa qatysty qylmystyq is qaraldy. Sottalýshylar bes jyl boıy Kerbulaq aýmaǵynda mal urlap kelgen, dep habarlaıdy QazAqparat oblystyq sottyń baspasóz qyzmetine silteme jasap.
Іstiń materıaldary boıynsha, sottalýshylar 10 epızod boıynsha urlyq jasap, jábirlenýshilerge jalpy quny 3 245 000 teńge zalal keltirgen.
Atalǵan qylmystyq is boıynsha protsestik prokýror men sottalýshylar arasynda kináni moıyndaý jáne materıaldyq shyǵyndy óteý týraly mámile túrindegi kelisim jasalǵan.
Sot úkimimen sottalýshylar QK 188-babynyń 3 bóligimen, 188-baby 2- bóliginiń 1, 2 tarmaqtarymen kináli dep tanylyp, olarǵa 3 jyl 6 aı merzimge bas bostandyǵynan aıyrý jazasy taǵaıyndaldy. QK-niń 63-babynyń negizinde bas bostandyǵynan aıyrý jazasy shartty dep sanaldy.
Úkim zańdy kúshine engen joq.
