Almaty oblysynda lombardtan 33 mln teńgeniń zaty urlandy

TALDYQORǴAN. QazAqparat - Almaty oblysynda lombardtan 33 mln teńgeniń qundy zattaryn urlady degen kúdikpen úsh adam ustaldy, - dep habarlaıdy QazAqparat tilshisi.

Almaty oblysynyń Jambyl aýdanynda 41 jastaǵy Qarǵaly aýylynyń turǵyny polıtsııaǵa aryz túsirdi. Ol belgisiz adamdardyń lombardtan baǵaly zattar men aqsha urlaǵany jóninde shaǵymdanǵan.

«Polıtsııanyń krımınaldyq toby úsh kúdiktini anyqtap, ustady. Onyń ekeýi 27 jáne 32 jastaǵy Almaty oblysynyń jáne bireýi 52 jastaǵy Almaty qalasynyń turǵyndary bolyp shyqty. Olardy arnaıy jasaqpen ustap, polıtsııaǵa jetkizdi»,- dedi Almaty oblystyq Polıtsııa Departamentindegi Krımınaldyq Polıtsııa basqarmasynyń bastyǵy Danııar Ashat.

Aıta keteıik, kúdiktilerdi ustaǵanda olardan shege syndy tonaýǵa arnalǵan aıǵaq zattar, altyn buıymdarmen, aqsha tárkilengen. Al jalpy lombardqa keltirilgen shyǵyn kólemi 33 mln teńge.

Qazir kúdiktilerge qatysty QR QK 188 babynyń 4 bóligi «Urlyq» boıynsha sotqa deıingi tergeý júrip jatyr.