Almaty oblysynda «Lexus» kóligi qaǵyp ketken 5 oqýshynyń bireýi qaıtys boldy

QONAEV. QazAqparat - Almaty oblysynda «Leksýs» kóligi qaǵyp ketken oqýshy kóz jumdy, dep habarlaıdy QazAqparat tilshisi.

Esterińizge sala keteıik, 25 qazan kúni 5 bala joldan ótip bara jatqanda olardy Lexus kóligi qaǵyp ketken edi.

«Ókinishke qaraı, dárigerlerdiń kórsetken medıtsınalyq kómegine qaramastan 10 jasar ul bala alǵan jaraqatynyń saldarynan kóz jumdy»,- delingen oblystyq densaýlyq saqtaý basqarmasynyń habarlamasynda.

Qalǵan 3 oqýshy travmatologııa bóliminde em qabyldap jatyr. Olardyń jaǵdaıy ortasha aýyr. Taǵy bir balaǵa aýyr zaqym kelmegendikten ol aýrýhanaǵa jatqyzylmaǵan.

Júrgizýshi ustalyp, qamaýǵa alyndy. Qajetti sot-medıtsınalyq saraptama taǵaıyndalǵan.

Aıta ketý kerek, balalar joldy jaıaý júrginshilerge arnalmaǵan jerden kesip ótpek bolǵan.