00:23, 26 Qarasha 2022 | GMT +5
Almaty oblysynda «Lexus» 5 jasóspirimdi qaǵyp ketti
QONAEV. QazAqparat – Almaty oblysynda kólik 5 balany qaǵyp ketti, dep habarlaıdy QazAqparat Rolisia.kz-ke silteme jasap.
«25 qazan kúni saǵat 19:50 shamasynda Lexus avtokóliginiń 28 jastaǵy júrgizýshisi Almaty - Shelek - Qorǵas avtojolymen shyǵys baǵytta qozǵalyp kele jatyp, Arman aýylynyń mańynda jaıaý júrginshilerdi qaǵyp ketti.
Apat saldarynan zardap shekken kámeletke tolmaǵan 5 bala aýrýhanaǵa jatqyzyldy. Aıta ketý kerek, jaıaý júrginshiler joldy belgilenbegen jerden ótip bara jatqan.
Qazirgi ýaqytta is boıynsha qajetti tergeý áreketteri júrgizilip, saraptamalar taǵaıyndaldy», - delingen Almaty oblysy Polıtsııa departamentiniń málimetinde.