Almaty oblysynda lashyqta turyp jatqan otbasyǵa kómek kórsetiledi
TALDYQORǴAN. QazAqparat – Almaty oblysynyń Jambyl aýdanynyń Qaınazar aýylynda lashyqta turyp jatqan otbasyǵa ákimdik jan-jaqty kómek kórsetedi, dep habarlaıdy QazAqparat tilshisi.
Jambyl aýdany ákiminiń baspasóz qyzmetiniń málimetinshe, jaryǵy tartylmaǵan lashyqty pana etken otbasyǵa ákimdik jan-jaqty kómek kórsetip, jalǵa páter alyp bermek.
«Ózbekstan Respýblıkasynan 2001 jyly kóship kelgen Qundyz Qýanyshbaeva men Qaırat Paýenov 7, 5, 3,1 jastaǵy balalarymen ata-analarynyń úıinde turyp jatqan. Balalardyń anasy qalalyq aýrýhanada eden jýady, al ákesi ýaqytsha jumyssyz. Otbasy aı saıyn 105 myń teńge ataýly áleýmettik kómek, 69 myń teńge múgedek járdemaqysyn alady. Jalpy otbasynyń aılyq kirisi 235 myń teńgeni quraıdy. Osydan eki aı buryn nesıe alyp, 450 myń teńgege jer telimin satyp alyp, úı qurylysyn bastaǵan edi. Qazir qabyrǵasyn turǵyzyp, shatyryn jabý jumysyna júrgizilip jatyr. Úı salyp jatqan jerden 100 metr qashyqtyqta jas otbasynyń áke-sheshesi záýlim úıde turady. Qurylys jumystaryn bastamas buryn olar sol úıde turǵan», - delingen atalǵan vedomstvonyń taratqan aqparatynda.
Búgin tańǵy saǵat 9:00-de aýdan ákimshiliginen arnaıy qurylǵan top, Qarasý aýyldyq okrýginiń ákimi Ashat Ótepovpen birge atalǵan otbasyna baryp jaǵdaıdy bilip qaıtty. Jas otbasynyń ótinishi boıynsha otaǵasy Qaırat Paýenovqa jumys taýyp berý jáne úıdiń qurylys jumysyna materıaldyq kómek kórsetýge aýyl ákimi ýáde bergen.
Aıta keteıik, kópbalaly otbasynyń jupyny turmysy áleýmettik jelige jarııalanǵan bolatyn.
