Almaty oblysynda Qyzyl kitapqa engen baqalar zańsyz aýlanýda
TALDYQORǴAN. QazAqparat - Almaty oblysynda tártip saqshylary «Ohotzooprom» qyzmetkerlerimen birlese otyryp, sırek kezdesetin qosmekendilerdi zańsyz aýlaǵan Uıǵyr aýdanynyń eki turǵynyn ustady, dep habarlaıdy QazAqparat tilshisi.
Tabıǵatty qorǵaý zańnamasy aıasynda uıymdastyrylǵan reıd barysynda ustalǵandardan 11 Sibir baqasy tabylyp, tárkilendi. Qosmekendilerdiń osy túri joıylyp ketý aldynda turǵandyqtan, memlekettiń erekshe qorǵaýyna alynǵan.
«Qazirgi ustaý deregi boıynsha sotqa deıingi tergep-tekserý júrip jatyr. Aýlanǵan baqalar shynymen qosmekendilerdiń sırek kezdesetin túrine jata ma, joq pa - sony anyqtaý úshin tıisti saraptamalar belgilendi. Saraptama qorytyndylaryna qaraı protsestik sheshim qabyldanady», - deıdi polıtseıler.
Anyqtalýynsha, qosmekendilerdiń osy túri halyq medıtsınasynda dári jasaý úshin qoldanylady eken.
