Almaty oblysynda Qyzyl kitapqa engen ańdardy atyp alǵan brakoner ustaldy
ASTANA. QazAqparat - Almaty oblysynda Qyzyl kitapqa engen qaraquıryq pen dýadaqty atyp alǵan almatylyq ustaldy, dep habarlaıdy oblystyq ІІD-niń baspasóz qyzmeti.
Jambyl aýdanynyń orman dala aımaǵynda polıtsııa jáne tabıǵatty qorǵaý organynyń qyzmetkerleri kúdikti basqarǵan «Toıota-Lendkrýzer» kóliginen 4 qaraquıryq pen 1 dýadaqty tapty. Budan basqa er adamnan tekserý barysynda ruqsat qujaty joq 2 atys qarýy tárkilendi.
Boljam boıynsha Qazaqstannyń Qyzyl kitabyna engizilgen ań men qusty brakoner jaqyn mańdaǵy ornalasqan memlekettik qoryqshanyń aýmaǵynan atyp alǵan.
«Atalmysh is boıynsha QR QK-niń 339-baby boıynsha qylmystyq is qozǵaldy. Tárkilengen janýarlardyń denesi bıologııalyq saraptamaǵa jiberildi. Saraptama nátıjesi boıynsha naqty protsessýaldyq sheshim qabyldanatyn bolady», delingen habarlamada.
Aıta keterligi, ótken 2016 jyly Almaty oblysynyń aýmaǵynan 1 538 tabıǵatty qorǵaý zańnamasyn buzý anyqtalyp, onyń 457-i boıynsha ustalǵandar qylmystyq jaýapkershilikke tartylǵan.
