Almaty oblysynda Qytaı azamattarynan para alǵan azamat jazalandy

NUR-SULTAN. QazAqparat – Almaty oblysynda QHR azamattaryna yqtııar hat áperemin dep para alǵan memlekettik qyzmetshi jazalandy, dep habarlaıdy QazAqparat.

Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov málimdedi.

«Almaty oblysyndaǵy Sybaılas jemqorlyqqa qarsy qyzmet A. Toqtamuratulyna qatysty sotqa deıingi tergeýdi aıaqtady. Ol Qytaı Halyq Respýblıkasynyń tórt azamatyna (B. Dáýlet, G. Túsipáli, B. Baqdáýlet jáne A. Baqdáýletke) Qazaqstanda turýǵa yqtııar hat berý úshin sheneýnikterge jetkizý syltaýymen 80 myń teńge qarajat alǵan», - dedi D. Bıgaıdarov Facebook paraqshasynda ótken onlaın brıfıngte.

2020 jyldyń 11 maýsymynda Almaty oblysy Eskeldi aýdandyq sotynyń úkimimen A. Toqtamuratuly 300 AEK kóleminde 800 myń teńge aıyppul tóleıtin boldy jáne memlekettik qyzmette jumys isteý quqyǵynan ómir boıyna aıyryldy.