Almaty oblysynda qystaqta áıeldi óltirgen kúdikti ustaldy
TALDYQORǴAN. QazAqparat - Almaty oblysynyń polıtseıleri áıel adamdy óltirip, oqıǵa ornynan izin sýytqan kúdiktini qolǵa túsirdi, dep habarlaıdy QazAqparat tilshisi.
27 qazanda Jambyl aýdanynyń polıtseılerine Matybulaq aýylynyń mańyndaǵy sharýa qojalyqtarynyń birinde adam óliminiń bolǵany týraly habar jetken. Oqıǵa ornynan qınap óltirý belgileri bar 43 jastaǵy áıel adamnyń máıiti tabyldy. Sharýa qojalyqtaǵy jumysshylardyń aıtýynsha, marqum sanaýly kún buryn azamattyq nekedegi joldasymen qatty janjaldasqan. Degenmen, polıtseıler kelgenshe áıeldiń azamattyq joldasy belgisiz baǵytta izin sýytqan.
«Polıtseıler jedel-izdestirý sharalaryn uıymdastyryp, jaqyn mańdy tolyǵymen qarap shyqty. Sol mańnan ótetin barlyq avtojoldar tolyq tekserildi. Eki táýlikten soń buǵan deıin ártúrli qylmystary úshin birneshe ret sotty bolǵan er adam eldi mekenderden qashyq ıen dalada ustaldy. Kúdiktiniń osy ýaqytqa deıin tártip saqshylarynan boı tasalaǵany anyqtaldy. Qazirgi tańda er adam Jambyl aýdanynyń polıtsııasyna jetkizildi jáne qamaýǵa alyndy»,- dedi Almaty oblystyq Polıtsııa departamentiniń baspasóz qyzmeti.
Sonymen qatar, vedomstvoda kisi ólimi deregi boıynsha qajetti saraptamalar taǵaıyndalyp, Qylmystyq kodeksti 99-babyna sáıkes sotqa deıingi tergeý amaldary júrgizilip jatqanyn atap ótti.
