Almaty oblysynda qysqa merzimdik kýrstar úshin oqytý ortalyqtary belgilendi
ASTANA. QazAqparat - «Nátıjeli jumyspen qamtýdy jáne jappaı kásipkerlikti damytý» memlekettik baǵdarlamasy sheńberinde Almaty oblysynda bıylǵy jyldyń sáýir aıynan beri 4 275 jumyssyz azamat qysqa merzimdik oqytýǵa jiberildi, dep habarlaıdy Almaty oblysy ákiminiń baspasóz qyzmeti.
Búgingi tańda 1 730 adam oqýdy aıaqtap, sonyń 741-i jumysqa ornalastyrylǵan.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetine súıensek, qazirgi kezde Kásipkerler palatasymen birlesip, jumyssyz azamattarǵa qysqa merzimdi kýrstardy kásiporyndar janyndaǵy oqý ortalyqtarynyń bazasynda uıymdastyrý júıesi engizilýde. Bul maqsatta 5 oqý ortalyǵy iriktelip alyndy. Atap aıtqanda, Taldyqorǵan qalasynda «TATEK» AQ, «Qaınar» JShS, «Baıturǵanov» JK, Qapshaǵaı qalasynda «KNAÝF Gıps Qapshaǵaı» JShS, Talǵar aýdanynda «Baıserke Agro» JShS.
Atalmysh óndiristik bazalarda kýrs tyńdaýshylary elektromonter, elektrslesar, akkýmýlıatorshy, iri qarany qoldan uryqtandyrý tehnıgi, neıl stılıst, vızajıst, shashtaraz kásipteri boıynsha tájirıbelerin shyńdaıdy.
Bıylǵy jyly osy oqý ortalyqtarynda 200 adamǵa oqytý kýrsy uıymdastyrylmaq. Búgingi kúni jergilikti jerlerdegi jumyspen qamtý ortalyqtary tarapynan atalmysh mamandyqtarǵa oqytýǵa degen jumys berýshilerdiń suranys deńgeıi anyqtalýda.
