Almaty oblysynda qysqa merzimdi jańbyr sýlary tasqyny bolýy múmkin
ASTANA. 21 qyrkúıek. QazAqparat - Búgin Qazaqstan aýmaǵynyń kóptegen bóliginde tsıklonnyń jáne onyń áserinen bolatyn atmosferalyq aǵyndardyń yqpalymen soltústik aýdandarda keıbir jerlerde nóser jańbyr jaýyp, kún kúrkireıdi, jel kúsheıedi.
Respýblıkanyń batysynda kún ashyq bolady, dep habarlady QR TJM Qazgıdrometke silteme jasap.
Aqmola, Jambyl, Ońtústik Qazaqstan, Aqtóbe. Qyzylorda. Soltústik Qazaqstan, Qaraǵandy, Shyǵys Qazaqstan oblystarynda, kúndiz Pavlodar oblysynda birqatar jerlerde jeldiń ekpini sekýndyna 15-22 metrge deıin kúsheıedi.
Almaty oblysynda - birqatar jerlerde jeldiń ekpini 17-22 m/s bolyp, 25 m/s-ǵa deıin kúsheıedi.
Qostanaı oblysynda jeldiń ekpini 17-22 m/s, túnde jáne tańerteń keı jerlerde tuman túsedi .
Qazaqstannyń ońtústginde, ońtústik-shyǵysynda, shyǵysynda, soltústik-batysynda jáne ortalyǵynda keı jerlerde joǵary órt qaýpi saqtaady.
Taıaýdaǵy táýlikterde Almaty oblysynyń alasa taýly ózenderinde nóser jańbyrdyń saldarynan sý deńgeıi kóterilýi, qysqa merzimdi jańbyr sýlary tasqyny paıda bolýy múmkin. Respýblıkanyń ońtústigi men shyǵysyndaǵy taýly ózenderde sý deńgeıi qubylady.
