Almaty oblysynda qys bastalǵaly 6 adam sýǵa batyp ketti

QONAEV. QazAqparat - 2022-2023 jylǵy qysqy maýsymda 6 adam sýǵa ketken. Onyń úsheýi muzǵa batqan kóliktiń ishinde bolǵan, dep habarlaıdy QazAqparat Almaty oblysynyń TJ departamentine silteme jasap.

2023 jylǵy 1 qańtarda Almaty oblysy TJD qyzmetkerleri Qapshaǵaı sý qoımasynda profılaktıkalyq jumys kezinde muzda jeke avtokóligi bar áýesqoı balyqshylarǵa saqtyq jáne qaýipsizdik sharalaryn tanystyrǵan.

Alaıda departament qyzmetkerleriniń eskertýine qaramastan, Mersedes Sprınter markaly kólik muz astyna túsip ketti. Qutqarýshylar júrgizýshini aman alyp qaldy.

31 qańtarda Qapshaǵaı sý qoımasynda Sýbarý markaly avtokólik muz astyna túsip ketti. Bul joly da adam shyǵyny bolǵan joq.

Atalǵan avtokólik ıelerine qatysty Ákimshilik quqyq buzý kodeksiniń 412-baby boıynsha ákimshilik is qozǵalyp, aıyppul salyndy.

Almaty oblysy TJD sý aıdynynda jazataıym oqıǵanyń aldyn alý maqsatynda avtokólikpen muzǵa shyqpaý kerektigin eskertedi.

Foto: instagram.com/almatyobl_tjd