Almaty oblysynda qymbat kólik urlaǵan top ustaldy
TALDYQORǴAN. QazAqparat - Almaty oblysynda qymbat kólikterdi aıdap áketýmen aınalysqan qylmystyq top ustaldy. 4 er adamnyń keıbiri buryn isti bolǵan, dep habarlaıdy QazAqparat tilshisi.
Kólik urlaýshylardy Almaty oblystyq krımınaldy polıtsııa basqarmasynyń qyzmetkerleri ustady. Olar Іle aýdany men Qapshaǵaı, Almaty qalalarynda qymbat kólikterdi, atap aıtqanda Toyota Camry 50 jáne 55 markalaryn urlaǵany úshin kúdikke ilingen. Qazirgi tańda olarǵa jeltoqsan jáne qańtar aıynda 3 kólikti aıdap áketti dep naqty aıyp taǵylyp otyr.
Urlanǵan kóliktiń biri Jambyl aýdanyndaǵy jabyq garajda tabylǵan. Kúdiktilerdiń biri 8 ret kólik urlaý faktisi boıynsha jaýapqa tartylsa, taǵy bireýi zorlaý, urlyq jáne uryp-soǵý derekteri boıynsha isti bolǵan.
Barlyǵy Almaty qalasy men Almaty oblysynyń turǵyndary. Olar arnaıy elektrondy qurylǵy arqyly kóliktiń dabylyn óshirip tastap otyrǵan. Bul is oblystyq polıtsııa departamenti basshylarynyń jiti baqylaýyna alynǵan.
