Almaty oblysynda qylmystyq top quryqtaldy
TALDYQORǴAN. QazAqparat - Almaty oblysynda polıtseıler arnaıy operatsııa barysynda qylmystyq topty quryqtady. Kúdiktiler páter tonaýmen aınalysyp kelgen, dep habarlaıdy QazAqparat tilshisi.
Jedel izdestirý sharalary barysynda Talǵar aýdanynda qylmystyq toptyń 20-25 jas aralyǵyndaǵy 3 múshesin qolǵa túsirdi. Olardyń bári de buryn isti bolǵan azamattar.
Ustalǵandardyń 32 urlyqqa qatysy bar ekeni dáleldendi. Olar úılerge plastıkalyq terezelerdi buzý arqyly kirip otyrǵan. Páterlerden urylar kompıýterlik tehnıka, televızorlardy, zergerlik buıymdar jáne basqa da qundy zattardy qoldy etip júrgen.
Qazirdiń ózinde jábirlenýshilerge 7 mln teńgeden astam shyǵyn keltirgeni anyqtaldy. Tártip saqshylary urlanǵan zattardyń bir bóligin arzan baǵamen satatyn azamattan taýyp alǵan. Talǵar aýdandyq ІІB qyzmetkerleri qazir ony da qylmystyq jaýapqa tartý máselesin qarastyrýda. Al aýdandyq sot sheshimimen kúdiktiler qamaýǵa alyndy.
