Almaty oblysynda qylmyskerdiń telefon urlaǵany beınebaqylaý kamerasyna túsip qaldy
TALDYQORǴAN.QazAqparat - Almaty oblysynda urynyń jasaǵan qylmysy beınebaqylaý kamerasyna túsip, ustalyp qaldy, - dep habarlaıdy QazAqparat tilshisi.
Beınejazbada kóliktiń ashyq turǵan júk salǵyshynyń janynda ıesi jáne taǵy birneshe adam turady. Sol sátte aldyńǵy jaqtaǵy júrgizýshi otyratyn orynnyń terezesi ashyq bolady. Belgisiz azamat adamdardyń kóliktiń artqy jaǵynda turǵanyn paıdalanyp, ashyq turǵan tereze arqyly kólikten uıaly telefondy qoldy qylady.
Almaty oblystyq Polıtsııa departamenti baspasóz qyzmetiniń málimetinshe, Qarasaı aýdanynyń polıtsııasyna Kóksý aýylynyń 34 jastaǵy turǵyny aryzdanǵan. Ol quny 50 myń teńge turatyn uıaly telefony saýda ortalyqtardyń biriniń avtoturaǵynda bolǵan avtokóliginen urlanǵanyn jetkizgen. Atalǵan derek QR QK 188-baby 3-bólimi boıynsha tirkeldi.
Qabyldanǵan sharalardyń nátıjesinde, atalǵan urlyq deregin Іrgeli aýyldyq okrýginiń aǵa ýchaskelik ınspektory polıtsııa maıory E.Tashkenev ashty. Ol beınejazbany qaraý barysynda beıneden buryn urlyq jáne tonaý úshin birneshe ret sotty bolǵan Kóksaı kentinde ýaqytsha turatyn 36 jastaǵy Ózbekstan azamatyn tanyǵan. Bir táýlik ishinde tártip saqshysy kúdiktini ustap, odan urlanǵan telefondy tárkiledi.
Kúdiktiniń burynǵy sottylyǵy eskerile otyryp, birden qamaýǵa alyndy. Qazirgi ýaqytta aıǵaq zat zańdy ıesine qaıtaryldy. Jábirlenýshi ýchaskelik ınspektorǵa jedel qyzmeti úshin alǵysyn bildirdi.
