Almaty oblysynda qylmys 6,8 % tómendedi
TALDYQORǴAN.QazAqparat - Almaty oblysynda turǵyn úımen biriktirilgen 66 ýchaskelik polıtsııa pýnktteriniń qurylysy aıaqtalyp, paıdalanýǵa berildi. Al 2018 jyly osyndaı taǵy 111 nysan salynady. Bul týraly ІІD-niń 2017 jylǵy jedel-qyzmet jumysynyń qorytyndylary boıynsha keńeıtilgen keńes barysynda belgili boldy, dep habarlaıdy QazAqparat tilshisi.
Jıynǵa oblys ákiminiń birinshi orynbasary Lázzat Turlashov tóraǵalyq etti. Keńeste oblystyq ishki ister organdarynyń 2017 jylǵy jumysynyń qorytyndylary men aldaǵy mindetteri týraly ІІD bastyǵy, polıtsııa general-maıory M. Urumhanov baıandama jasady.
Baıandamashynyń aıtýynsha, oblystaǵy quqyqtyq tártip turaqty baqylaýda. Ótken jyly qylmys jasaý on myń adamǵa shaqqanda 137-den 126-ǵa, jalpy sany 6,8 % tómendegen. Qylmystyń ashylý kórsetkishi artqan, sonyń ishinde aýyr qylmystardy ashý 63,0 %-ten 65,8%, asa aýyr qylmys - 92,2-den 94,7%, tonaý 61,5-ten 67,6%, bótenniń múlkin urlaý - 33,7-den 37,8%-ke ósken. Vedomstvolyq baǵdarlama sheńberinde 13 jedel aldyn alý sharalary, atap aıtqanda «Mal urlyǵy», «Páter», «Uıaly telefon» sııaqty kóptegen sharalar uıymdastyrylǵan. Málıhattyń sheshimimen «Malshy-mal ıesi-jergilikti atqarýshy organ» prıntsıpimen úsh jaqty kelisim jasaý men mal jaıý erejeleriniń jobalary bekitildi. Bul óz kezeginde mal urlyǵynyń aldyn alýǵa septesetin bolady. Urlyqtardy ashý jalpy qylmystardyń ashylý kórsetkishine yqpal etedi. Ótken jyly 13 arnaıy shara ótkizilip, mal urlyǵy jáne páter tonaýmen aınalysqan 376 top ustaldy.
Basqosýda sóz alǵan oblys ákiminiń birinshi orynbasary L. Turlashov Elbasynyń bıylǵy Joldaýynda azamattardyń konstıtýtsııalyq quqyqtaryn saqtaýǵa, onyń ústemdigin qamtamasyz etýge, quqyq qorǵaý qyzmetin gýmanızatsııalaý maqsatynda beınebaqylaýdyń ıntellektýaldyq júıesin engizýge erekshe kóńil bólingenin atap ótti. Soǵan sáıkes oblys aýmaǵynda syrtqy beınebaqylaý kameralaryn ornatý jumystary odan ári de jalǵastyrylatynyn aıtty. Máselen, Іshki ister organdaryna jumys sapasyn joǵarylatý úshin 2017 jyly 11,9 mlrd. teńge bólinse, onyń 3,2 mlrd. teńgesi materıaldyq-tehnıkalyq bazany nyǵaıtýǵa baǵyttaldy. Taldyqorǵan qalasynda Kınologııalyq qyzmet ortalyǵy qurylyp, jabdyqtaldy. Іshki ister salasyna basqa da qoldaý sharalary turaqty kórsetilip keledi.
Jıyn sońynda jyl qorytyndysy boıynsha úzdik dep tanylǵan aýdandyq ІІB, úzdik ýchaskelik polıtsııa, úzdik tergeýshi jáne basqa da qatardaǵy polıtsııa qyzmetkerleri oblys ákiminiń, QR Іshki ister mınıstrliginiń, oblystyq ІІD -niń qurmet gramotalarymen, oblys ákiminiń alǵys hatymen marapattaldy.
Sondaı-aq oblys ákimi A. Batalovtyń atyna QR Іshki ister mınıstrliginiń Qurmet gramotasy berildi.
